Palicyja Kiolna vyśvietliła asoby i dapytała 31 udzielnika napadaŭ na žančyn u navahodniuju noč. Jak zajaviŭ pradstaŭnik MUS Niamieččyny Tobijas Plate, 18 ź ich — mihranty, jakija čakajuć atrymańnia statusu ŭciekačoŭ u FRH.
Pa słovach Plate, usiaho było vyjaŭlena 32 złačynstvy, bolšaść ź jakich kvalifikavanyja jak rabavańnie i naniasieńnie cialesnych paškodžańniaŭ. Try napady kvalifikavali jak złačynstvy seksualnaha charaktaru.
Jak zajavili ŭ palicyi, u napadach udzielničali dzieviać vychadcaŭ z Ałžyra, vosiem — z Maroka, piać irancaŭ, čatyry siryjcy, a taksama dva hramadzianina FRH, adzin irakiec, adzin sierb i adzin hramadzianin ZŠA.
Kala sta žycharak Kiolna i turystak paskardzilisia na damahańni i rabavańni, učynienyja ŭ navahodniuju noč na pryvakzalnaj płoščy horada. Pa apisańniach vidavočcaŭ, napadu na žančyn ździajśniali maładyja mužčyny «arabskaha abo paŭnočnaafrykanskaha» vyhladu.
Až da 8 studzienia palicyja nie znachodziła padstaŭ śćviardžać, što ŭ liku tych, chto napadaŭ byli ŭciekačy, jakija prybyli ŭ FRH u 2015 hodzie.
Kamientary