Havorka pra kvartały ŭzdoŭž Janki Kupały i Čyrvonaarmiejskaj.
25 hiektaraŭ staličnaj prastory majuć namier zabudavać amancy. Pradstaŭnik investara — vykanaŭčy dyrektar dziaržaŭnaha hieneralnaha reziervovaha fondu Sułtanatu Varyt Al Charusi — zapeŭnivaje, što heta buduć architekturnyja šedeŭry. Da prajektavańnia zabudovy centru Miensku amanskija investary zaprasili adnu z samych znakamitych brytanskich kampanij — «Čepmien Tejłar». Varyt Al Charusi ličyć Minsk samym pryvabnym rehijonam našaj respubliki.
Paŭhoda tamu inviestary paprasili zarezervavać try ŭčastki ŭ Miensku. Pavodle hieneralnaha planu raźvićcia stalicy, hetyja rajony padlahali rekanstrukcyi. Nie čakajučy zakančeńnia terminaŭ rezervavańnia, amancy pryvieźli ŭ Miensk svaje prajekty. Tam, dzie zaraz stankabudaŭničy zavod imia Kirava, prapanavana pabudavać žyły kompleks. Pa vulicy Kupały, na miescy vystavačnaha centru i druhoj balnicy planujecca dziełavaja zabudova z raskošnaj haścinicaj i nabiarežnaj.
U staličnaj meryi ličać, što na šlachu supracoŭnictva pieraadoleny amal samy składany ŭčastak pracy, kali naradžajecca prajekt, jaki zadavalniaje abodva baki.
Dziaržaŭny hieneralny rezervovy fond Sułtanatu Aman adkazvaje za ŭradavyja investycyi pa ŭsim śviecie. 28 hadoŭ fond ažyćciaŭlaje svaju dziejnaść u krainach z najbolš spryjalnym investycyjnym klimatam. Za paŭhoda pradstaŭniki fondu ŭžo 4 razy pabyvali ŭ Minsku.
Zaraz treba detalova raspracavać prajekty i naprykancy hodu pačać budaŭnictva. I ŭ Miensku, i ŭ stalicy Amana — Maskate — ličać, što heta tolki pačatak supracoŭnictva.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary