Zaviaršyŭsia aficyjny vizit prezidenta Biełarusi Alaksandra Łukašenki ŭ Vjetnam. Kiraŭnik dziaržavy nakiravaŭsia z Chanoja ŭ Minsk.
U vjetnamskaj stalicy Alaksandr Łukašenka 7 krasavika pravioŭ pierahavory z kiraŭnictvam krainy, u čas jakich baki namiecili kankretnyja kroki pa pašyreńniu dvuchbakovaha supracoŭnictva i naroščvańniu ŭzajemnaha handlu.
U prysutnaści kiraŭnikoŭ dźviuch dziaržaŭ byli padpisany dakumienty, jakija datyčacca raźvićcia kantaktaŭ u roznych śfierach. Alaksandr Łukašenka i Nhujen Miń Čyjet pryniali taksama sumiesnuju dekłaracyju.
8 krasavika prezident Biełarusi pryniaŭ udzieł u cyrymonijach uskładańnia viankoŭ da Manumienta Paŭšym Hierojam i Maŭzaleja Cho Šy Mina. Zatym kiraŭniku biełaruskaj dziaržavy była prapanavana karotkaja ekskursija pa muzieju Cho Šy Mina.
Pierad adbyćciom u Minsk adbyłasia sustreča Alaksandra Łukašenki z vypusknikami biełaruskich VNU, pradstaŭnikami tavarystva družby «Vjetnam‑Biełaruś», navukovych kołaŭ, prafsajuzaŭ, Sajuza žančyn i inšych hramadskich arhanizacyj Vjetnama.
Paralelna ŭ Chanoi prajšoŭ kruhły stoł z udziełam dziełavych kołaŭ Biełarusi i Vjetnama.
Kamientary