U Małdovie nieviadomyja kinuli hranatu ŭ dom vykonvajučaha abaviazki kiraŭnika Centrabanka Doryna Drahutanu. Ad vybuchu nichto nie paciarpieŭ.
Jak paviedamlajecca, vybuch adbyŭsia ranicaj, kali bankir i jaho siamja jašče spali. Budynak katedža byŭ paškodžany.
U prakuratury krainy zajavili, što incydent budzie rasśledavacca jak terakt. Sam Drahutanu nie kamientavaŭ incydent.
Drahutanu, jaki padaŭ u adstaŭku ŭ vieraśni 2015 hoda, praciahvaje vykonvać abaviazki kiraŭnika CB. Jon i jaho pamočnik farmalna pakinuli pasty, paśla taho jak kurs nacyjanalnaj valuty apuściŭsia da siamimiesiačnaha minimumu.
Akramia taho, z bankaŭskaj sistemy respubliki źnik miljard dalaraŭ, što składaje amal adnu vośmuju VUP Małdovy. Pa spravie ab źniknieńni hrošaj paźniej byŭ zatrymany były premjer-ministr krainy Uład Fiłat.
U pačatku vieraśnia ŭ Kišyniovie adbyŭsia šmattysiačny mitynh pratestu, udzielniki jakoha, u tym liku, abvinavačvali kiraŭnictva CB ŭ datyčnaści da hetaha machlarstva. Drahutanu abvinavačvańni admaŭlaje.