U studzieni narviežski parłamient biez asablivych sprečak pryniaŭ rašeńnie pašyryć pryzyŭ va ŭzbrojenyja siły maładych dziaŭčat, i takim čynam pieršaj u NATA i Jeŭropie zrabiŭ słužbu abaviazkovaj dla abodvuch pałoŭ.
norway.org.uk
«Pravy i abaviazki pavinny być adnolkavymi dla ŭsich. Uzbrojenym siłam patrebnyja najlepšyja kadry niezaležna ad połu», — adznačyła deputat Łajła Hustaŭsan.
U 2016 hodzie taksama Narviehija śviatkuje 100 hod z daty, kali žančyny atrymali palityčnaje prava hołasu.
Ciapier Narviehija pryzyvaje prykładna 10 000 čałaviek u hod z ahulnaj kolkaści 60 000 čałaviek u adpaviednaj uzrostavaj hrupie. Pry hetym achvotnych pryzvacca bolej za patreby armii.
«My ŭvodzim pryzyŭ dla žančyn nie tamu, što nam treba bolej žaŭnieraŭ, a tamu, što nam patrebnyja najlepšyja, niezaležna ad taho, chto jany», — skazała ministr abarony Narviehii Hanna-Hreta Strom-Eryksan, pieradaje sajt norway.org.uk.