Ministerstva abarony Rasii abvinavaciła Turcyju ŭ abstrele pryhraničnych nasielenych punktaŭ na terytoryi Siryi i zapatrabavała tłumačeńniaŭ ad NATA i Pientahona.
Adpaviednuju zajavu na bryfinhu ŭ paniadziełak pradstaŭnik rasijskaj minabarony Ihar Kanašenkaŭ. Pavodle jaho słoŭ, na adnoj z tureckich pahraničnych zastaŭ, na miažy ź Siryjaj, za apošni miesiac była razhornutaja ciažkaja artyleryja.
«Kali patrebnyja fakty, — kali łaska», — skazaŭ Kanašenkaŭ i prademanstravaŭ videa, na jakim vidać artyleryju, što stralaje.
«Voś heta nazyvajecca faktam. Heta źjaŭlajecca nieabvieržnym dokazam taho, što tureckija ŭzbrojenyja siły ažyćciaŭlajuć abstreł pryhraničnych siryjskich nasielenych punktaŭ z bujnakalibiernych artyleryjskich sistem», — dadaŭ jon.
Jak havorycca na sajcie minabarony, videa było atrymana «ad siryjskaha hienieralnaha štaba i adnaho z atradaŭ [siryjskaj] patryjatyčnaj apazicyi».
«Čakajem takoj ža chutkaj reakcyi i tłumačeńniaŭ hetych dziejańniaŭ tureckich uzbrojenych sił ad pradstaŭnikoŭ NATA i Pientahona», — havorycca ŭ zajavie na sajcie viedamstva.
U toj ža zajavie minabarony znoŭ śćviardžaje, što rasijski Su-34, jaki, jak zajaŭlali tureckija ŭłady, parušyŭ pavietranuju prastoru Turcyi ŭ studzieni, na samaj spravie hetaha nie rabiŭ.
