Jašče try vodna-bałotnyja ŭhodździ Biełarusi atrymali mižnarodny status
Pra heta paviedamiŭ siońnia žurnalistam ministr pryrodnych resursaŭ i achovy navakolnaha asiarodździa Andrej Kaŭchuta pierad pačatkam prezientacyi Nacyjanalnaj stratehii pa zachavańni i racyjanalnym (ustojlivym) vykarystańni tarfianikaŭ.
«Try novyja vodna-bałotnyja ŭhodździ atrymali mižnarodny status achoŭnych terytoryj, dadatkova da tych siamnaccaci, jakija vyznačany raniej», — skazaŭ ministr. Razmova idzie ab takich terytoryjach, jak «Paleskaja dalina raki Buh», «Servač» i «Vilejty».
«Siońnia adznačajecca Suśvietny dzień vodna-bałotnych uhodździaŭ, tamu vielmi simvalična, što my prezientujem našu Nacyjanalnuju stratehiju pa zachavańni i racyjanalnym (ustojlivym) vykarystańni tarfianikaŭ», — adznačyŭ Andrej Kaŭchuta.
Jak rastłumačyła načalnik upraŭleńnia bijałahičnaj i łandšaftnaj raznastajnaści Minpryrody Natalla Minčanka, try biełaruskija terytoryi ŭklučany ŭ Ramsarski śpis vodna-bałotnych uhodździaŭ. «Hetyja terytoryi papadajuć užo, u niejkaj stupieni, u zonu adkaznaści mižnarodnych arhanizacyj. Tamu budzie lahčej rychtavać prajekty i źviartacca da donaraŭ pa atrymańnie srodkaŭ na adnaŭleńnie i raźvićcio hetych uhodździaŭ», — adznačyła jana.
Biełaruś źjaŭlajecca krainaj Ramsarskaj kanviencyi (Kanviencyi ab vodna-bałotnych uhodździach) z 1999 hoda, kali zakaźnik «Sporaŭski» byŭ pieršym ź biełaruskich vodna-bałotnych uhodździaŭ uklučany ŭ Ramsarski śpis.
Nacyjanalnaja stratehija pa zachavańni i racyjanalnym (ustojlivym) vykarystańni tarfianikaŭ była adobrana pastanovaj Savieta Ministraŭ 30 śniežnia 2015 hoda. Asnoŭny pryncyp ustojlivaha raźvićcia tarfianikaŭ zaklučajecca ŭ tym, što ŭsie pryrodnyja tarfianyja bałoty (ahulnaj płoščaj amal 863 tys. ha) padlahajuć achovie, haspadarčaja dziejnaść moža vieścisia tolki na raniej asušanych i nieefiektyŭna vykarystoŭvajemych tarfianikach. Akramia taho, praduhledžvajecca ekałahičnaja reabilitacyja parušanych bałot. Paśpiachovaja realizacyja stratehii daść mahčymaść Biełarusi da 2030 hoda zachavać u naturalnym stanie 684 tys. ha bałot, adnavić nie mienš jak 75 tys. ha parušanych tarfianikaŭ, zachavać bolš jak 7 młrd kub.m zapasaŭ presnaj vody, utrymać amal 500 młn t vuhlarodu ad papadańnia ŭ atmaśfieru.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary