Ministerstva finansaŭ Rasii moža pačać raschodavać reziervy pry zachavańni cany na naftu ŭ 30 dalaraŭ za baral.
Pra heta žurnalistam u subotu paviedamiŭ ministr finansaŭ RF Anton Siłuanaŭ, pieradaje TASS.
«My, viadoma, nie čaraŭniki. Biezumoŭna, kali cana na naftu zachavajecca ŭ 30 dalaraŭ, mahčyma, nam pryjdziecca źviarnucca pa reziervy. Ale my stavim sabie zadaču minimizavać takija rašeńni», — skazaŭ Siłuanaŭ ŭ adkaz na pytańnie, ci pa-raniejšamu staić zadača nie vydatkoŭvać srodki Reziervovaha fondu.
Pavodle dadzienych Minfina, Reziervovy fond na 1 lutaha 2016 hoda skłaŭ 3,737 trłn, FNB — 5,349 trłn. U valutnym ekvivalencie abjom fondaŭ na 1 lutaha składaje 49,72 młrd dalaraŭ i 71,15 młrd dalaraŭ adpaviedna.
Biudžet-2016 źviarstany zychodziačy z cany na naftu marki Urals u 50 dalaraŭ za baral, pry hetym da ciapierašniaha času košty na naftu hetaj marki apuścilisia nižej za 35 dalaraŭ.
Abjom Reziervovaha fondu RF za 2015 hod źniziŭsia ŭ rublach na 26,5%, da 3,64 tryljona rubloŭ, a ŭ dalarach — na 43,2%, da 49,95 miljarda dalaraŭ.
