Hramadzianina Rasii departavali ź Biełarusi za «zabytyja» u pašparcie 10 jeŭra, paviedamili ŭ pres-słužbie Bresckaj Čyrvanaściažnaj pahraničnaj hrupy im. F.E. Dziaržynskaha.
Incydent adbyŭsia 15 lutaha ŭ punkcie propusku «Damačava». Pry prachodžańni kantrolu 46-hadovy rasiejec, jaki jechaŭ z Polščy ŭ Biełaruś, pradjaviŭ pamiežniku pašpart, u jakim znachodziłasia kupiura vartaściu 10 jeŭra. U svajo apraŭdańnie mužčyna skazaŭ, što hrošy pakinuŭ u dakumiencie vypadkova. Na padstavie st.23.32 KaAP Biełarusi jaho dziejańni byli rascenienyja jak padbuchtorvańnie da parušeńnia paradku pamiežnaha kantrolu. Niepamiatlivamu hramadzianinu Rasii vyniesiena papiaredžańnie z departacyjaj na adzin hod.
Z pačatku hoda na ŭčastku adkaznaści Bresckaj pamiežnaj hrupy da administracyjnaj adkaznaści pryciahnutyja 15 hramadzian, jakija pradjavili dakumienty z układzienymi ŭ ich hrašyma. Pryčym 12 parušalnikaŭ departavanyja na termin ad 1 hoda da 5 hadoŭ. U pres-słužbie pahranhrupy padkreślili, što za padobnaje pravaparušeńnie, učynienaje paŭtorna na praciahu hoda, pahražaje štraf da 21 młn rubloŭ.