Rasijskaja Dziaržduma pryniała ŭ pieršym čytańni ŭradavy prajekt zakona, jaki pryraŭnoŭvaje da masavych pratestnych akcyjaj aŭtaprabiehi i namiotavyja miastečki.
U chodzie razhladu zakonaprajekta pradstaŭniki ŭsich frakcyj, akramia «Adzinaj Rasii», vykazalisia suprać prapanavanych papravak, adznačaje TASS.
Havorka idzie pra źmieny ŭ zakon «Ab schodach, mitynhach, demanstracyjach, šeściach i pikietavańniach», zhodna ź jakimi aŭtaprabieh budzie pryroŭnieny da demanstracyj, a namiotavyja miastečki — da pikietavańnia.
Heta aznačaje, što kali zakonaprajekt budzie ŭchvaleny, arhanizacyju aŭtaprabiehaŭ i namiotavych haradkoŭ daviadziecca ŭzhadniać z čynoŭnikami, inakš udzielnikam budzie pahražać štraf da 300 tysiač rasijskich rubloŭ.
Tłumačačy nieabchodnaść pryniaćcia zakonaprajekta, jaho aŭtary pryvodziać statystyku MUS. U 2014 hodzie ŭ Baškartastanie, Biełharadskaj, Maskoŭskaj, Rastoŭskaj, Čelabinskaj abłaściach, a taksama ŭ šerahu inšych rehijonaŭ prajšli pratestnyja akcyi, padčas jakich u hramadskich miescach byli pastaŭlenyja namioty.
Usiaho, kaža statystyka, u 27 subjektach Rasii adbylisia 126 mierapryjemstvaŭ, u jakich uziali ŭdzieł 4 tysiačy čałaviek z vykarystańniem 1,5 tysiač transpartnych srodkaŭ.