Alaksandr Łukašenka siońnia ŭ Minabarony vystupić pierad udzielnikami zboru pa terytaryjalnaj abaronie. Pra heta paviedamili ŭ pres-słužbie kiraŭnika dziaržavy.
Zbor z staršyniami abłvykankamaŭ i Minskaha harvykankama pa terytaryjalnaj abaronie — adna z formaŭ navučańnia kiraŭnikoŭ miascovych vykanaŭčych i rasparadčych orhanaŭ. U takim farmacie jon pravodzicca ŭpieršyniu. Zbor projdzie 17—18 lutaha pad kiraŭnictvam Minabarony. Navučańnie ŭklučaje tearetyčnyja i praktyčnyja zaniatki.
Terytaryjalnaja abarona — sastaŭnaja častka abaronnych mierapryjemstvaŭ u Biełarusi, jakija pravodziacca dziaržaŭnymi orhanami, inšymi arhanizacyjami, terytaryjalnymi vojskami va ŭzajemadziejańni z Uzbrojenymi Siłami, inšymi vojskami i vajskovymi farmiravańniami, a taksama vajenizavanymi arhanizacyjami ŭ adpaviednaści z płanam abarony Biełarusi. Adna z metaŭ terytaryjalnaj abarony składajecca ŭ tym, kab nadać abaronie dziaržavy usieahulny, usienarodny charaktar
Kamientary