U Ždanovičach pad Minskam nieadekvatnaja dziaŭčyna-kiroŭca kidałasia na daišnikaŭ, jakija pryjechali raźbiracca ŭ ździejśnienaj avaryi. La prypynku hramadskaha transpartu na razvarotnym kole aŭtobusa dziaŭčyna prajechała na «Leksusie» pad «cahlinu», a paśla zbočyła z darohi, źniesła znak i vylecieła ŭ kiuviet. Mašyna ŭ vyniku dała nyrca ŭ łužynu.
Śviedki zdareńnia vyklikali DAI, jakaja prybyła davoli chutka. Pa słovach prysutnych, kiroŭca «Leksusa» stała kryčać, supraciŭlacca inśpiektaram i skandalić, a paśla navat napała na ich. Pravaachoŭnikam daviałosia prymianić kajdanki. Paśla dziaŭčynu pavieźli na miedahlad, paviedamlaje Onliner.by sa spasyłkaj na śviedkaŭ zdareńnia.
Jak vyśvietliłasia, dziaŭčynie 25 hadoŭ. Jana sieła za rul u niećviarozym stanie — u jaje kryvi znajšli 2,12 pramile ałkaholu. Raniej jana trojčy pryciahvałasia da adkaznaści, u tym liku za parušeńnie chutkasnaha režymu, infarmuje BIEŁTA.
Kamientary