U Naroŭli rasśledujecca kryminalnaja sprava pa fakcie machlarstva ŭ dačynieńni da 58-hadovaj miascovaj žycharki. Žančyna atrymlivała piensiju pa invalidnaści za brata, jaki pamior vosiem hadoŭ tamu, i niezakonna prysvoiła bolš za 80 młn. rubloŭ, paviedamili ŭ Naraŭlanskim RASK.
U lutym 2008 hoda žančyna tajemna pachavała rodnaha brata, jaki pamior u 47 hadoŭ. Jon byŭ invalidam I hrupy ź dziacinstva. Siastra praciahvała niezakonna atrymlivać u paštovym adździaleńni piensiju za brata da taho času, pakul vosieńniu 2015 hoda ŭpraŭleńnie sacyjalnaj abarony nasielnictva nie vyjaviła fakt machlarstva.
Byli praviedzienyja ekshumacyja trupa, sudova-miedycynskija i hienietyčnyja ekśpiertyzy, jakija paćvierdzili fakt śmierci i fakt supadzieńnia DNK pamierłaha z DNK abvinavačanaj. U Śledčym kamitecie adznačyli, što inšyja svajaki viedali pra machlarstva, ale chavali heta da aryštu abvinavačanaj. Paśla čaho svajaki pačali dobraachvotna pakryvać škodu. Na majomaść abvinavačanaj nakładzieny aryšt.
Rasśledavańnie zaviaršajecca, i najbližejšym časam sprava budzie pieradadzienaja ŭ prakuraturu dla nakiravańnia ŭ sud. Minimalnaje pakarańnie, jakoje pahražaje piensijaniercy, — dva hady pazbaŭleńnia voli.
Kamientary