Asacyjacyja «Biełaruskaja fiederacyja futboła» i Fiederacyja futboła Paŭnočnaj Irłandyi damovilisia ab praviadzieńni mižnarodnaha tavaryskaha matča z udziełam nacyjanalnych kamand. Hulnia projdzie 27 maja ŭ Biełfaście.
Čas pačatku i miesca praviadzieńnia matču vyznačacca paźniej.
U kancy maja abo pačatku červienia naša kamanda praviadzie jašče adzin matč, supiernik u jakim pakul nie vyznačany.
25 sakavika zbornaja Biełarusi pamierajecca siłami z Armienijaj, a 29 sakavika zhulaje z Čarnahoryjaj.
Zbornaja Paŭnočnaj Irłandyi vyjšła ŭ finalnuju častku čempijanatu Jeŭropy UEFA 2016, zaniaŭšy pieršaje miesca ŭ svajoj adboračnaj hrupie. Na dadzieny momant naš supiernik zajmaje 29 radok u rejtynhu FIFA.
Zbornyja Biełarusi i Paŭnočnaj Irłandyi raniej nie sustrakalisia.
Kamientary