Parłamienckaja frakcyja ukrainskaj partyi «Baćkaŭščyna» byłoha premjer-ministra Julii Cimašenka vyjšła z kirujučaj kaalicyi ŭ znak pratestu suprać zachavańnia premjerskaha pasta za Arsienijem Jacaniukom.
Cimašenka nazvała hetaje rašeńnie adzina mahčymym i zaklikała inšyja parłamienckija frakcyi pieraniać prykład «Baćkaŭščyny» i pakinuć kaalicyju.
Raniej «Baćkaŭščyna» abviaściła, što adklikaje z urada svajho adzinaha ministra — Ihara Ždanava, jaki ŭznačalvaje ministerstva moładzi i sportu Ukrainy.
Kamientujučy hetaje rašeńnie, Cimašenka skazała, što hałasavańnie za adstaŭku ŭrada, jakoje pravaliłasia ŭ aŭtorak, pakazała, što nijakaj kaalicyi faktyčna nie isnuje.
U aŭtorak Viarchoŭnaja rada Ukrainy pravodziła hałasavańnie za vyniasieńnie ŭradu Arsienija Jacaniuka votumu niedavieru. Pa vynikach pasiadžeńnia pastanova nie nabrała nieabchodnaj kolkaści hałasoŭ.
Za adstaŭku vykazałasia bolšaść deputataŭ «Baćkaŭščyny», «Błoka Piatra Parašenki», «Samadapamohi» i «Radykalnaj partyi». Suprać — «Narodny front» Jacaniuka, «Apazicyjny błok» i «Adradžeńnie».
Rezalucyju ab niedaviery kabinietu ministraŭ unios lidar prezidenckaj frakcyi «Błoka Piatra Parašenki» Juryj Łucenka. Da hetaha ŭkrainski parłamient, zasłuchaŭšy pradstaŭleny Jacaniukom spravazdaču, pryznaŭ pracu ŭrada niezdavalniajučaj.
Kamientary