Žychar Mazyra paśla śviatkavańnia ŭ Breście dnia naradžeńnia skraŭ aŭtamabil, kab dabracca dadomu. Pra heta paviedamiła staršy inśpiektar adździaleńnia infarmacyi i hramadskich suviaziej UUS abłvykankama Alaksandra Zacharava.
Brestaŭčanin źviarnuŭsia ŭ milicyju z zajavaj ab zhonie «Mazdy-323» 16 lutaha. Źnikłuju mašynu supracoŭniki DAI znajšli pablizu vioski Cierabuń Bresckaha rajona. Paškodžany aŭtamabil znachodziŭsia ŭ kiuviecie. Samoha zhonščyka na miescy DTZ, naturalna, nie było. Jaho pravaachoŭniki zatrymali ŭ Breście. Dapamohu ŭ zatrymańni złamyśnika, jakim akazaŭsia niepracujučy žychar Mazyra 1995 hoda naradžeńnia, milicyjantam akazali vajskoŭcy Bresckaj pahranhrupy.
Jak vyśvietliłasia, paśla viečaryny ŭ honar svajho 21-hodździa maładomu čałavieku nie ciarpiełasia dabracca dadomu. Jon paškodziŭ zamok i zapalvańnie adnaho z aŭtamabilaŭ i adpraviŭsia ŭ šlach. Ale, pakolki miascovaść viedaŭ kiepska, pierabłytaŭ pavarot i apynuŭsia ŭ pamiežnaj zonie. Zatym nie spraviŭsia z kiravańniem i źjechaŭ u kiuviet.
Złamyśnik zaklučany pad vartu. Pravaachoŭniki praciahvajuć vyśviatlać padrabiaznaści zdareńnia. Taksama maładoha čałavieka praviarajuć na datyčnaść da inšych złačynstvaŭ.
Čamu kiraŭnikom svajoj Administracyi Łukašenka pastaviŭ Dźmitryja Krutoha? Jon moža stać pierajemnikam?3
Kamientary