Brytanskija źniščalniki Typhoon byli adpraŭlenyja na pierachop dvuch rasiejskich bambavikoŭ, jakija nabližalisia da pavietranaj prastory Brytanii, paviedamiła ministerstva abarony Złučanaha Karaleŭstva.
Za apošni hod źniščalniki krain NATA nieadnarazova padymalisia ŭ pavietra dla pierachopu rasijskich samalotaŭ.
Padobnyja vypadki adbylisia ŭ kastryčniku 2015 hady nad Paŭnočnym moram i ŭ listapadzie — nad Atłantykaj.
Rasijskija vajennyja samaloty ni razu nie ŭryvalisia ŭ pavietranuju prastoru Brytanii, adnak nieadnarazova padlatali blizka da miažy i ździajśniali paloty ŭ «brytanskaj zonie intaresaŭ».
U śniežni taho ž hoda brytanskija vajennyja praviali pieramovy z rasijskimi kalehami ŭ Maskvie ŭ suviazi sa šmatlikimi vypadkami nabližeńnia rasijskich samalotaŭ da brytanskaj pavietranaj prastory.
Jak paviedamiŭ tady ministr abarony Vialikabrytanii Majkł Fełan, hetyja pieramovy byli nakiravanyja na praduchileńnie jakich-niebudź «pralikaŭ abo vypadkovaściaŭ».
Jašče ŭ mai minułaha hoda vajenny ahladalnik Bi-bi-si Džonatan Bił adznačaŭ, što Karaleŭskija VPS apošnim časam «užo pryvykli da hetaha» i, zdajecca, pierachoplivajuć rasijskija samaloty ledź nie kožny miesiac.
Kamientary