Amierykanski akcior Džordž Hiejns, šmat u čym viadomy dziakujučy roli kamiendanta Eryka Łasarda ŭ sieryjale «Palicejskaja akademija» i Džona Ven Chorna ŭ karcinie «Tutsi», pamior va ŭzroście 98 hadoŭ.
Hiejns pamior u paniadziełak 15 lutaha, ale fakt śmierci jaho dačka paćvierdziła tolki ŭ sieradu.
Hiejns (jaho sapraŭdnaje proźvišča —Jonhiejans) naradziŭsia ŭ 1917 hodzie ŭ Hielsinhforsie (ciapier Chielsinki, tady heta była stalica Vialikaha kniastva Finlandskaha, jakoje ŭvachodziła ŭ skład Rasijskaj impieryi).
Hiejns atrymaŭ šyrokuju viadomaść dziakujučy vystupam u bradviejskich muzyčnych kamiedyjach.
U kiniematohrafie debiutavaŭ u siaredzinie 1950-ch hadoŭ, ale ŭ asnoŭnym jamu dastavalisia epizadyčnyja roli ŭ telesieryjałach i filmach.
U 1982 hodzie jon źniaŭsia ŭ kamiedyi «Tutsi» z Dastynam Chofmanam u hałoŭnaj roli.
Hiejns taksama syhraŭ va ŭsich siami častkach kultavaha sieryjała «Palicejskaja akademija», jaki vychodziŭ z 1984 pa 1994 hod.
Čamu kiraŭnikom svajoj Administracyi Łukašenka pastaviŭ Dźmitryja Krutoha? Jon moža stać pierajemnikam?7
Kamientary