Alaksandru Hierasimieniu i Jaŭhiena Curkina zapadozryli ŭ ramanie
Na cikavy fakt źviarnuli ŭvahu žurnalisty sajta Sport.tut.by. 14 lutaha ledź nastupiła, a Jaŭhien Curkin užo adpraviŭ Alaksandry Hierasimieni piaščotny mesedž praz Facebook - fatahrafiju z podpisam: «Dla ciabie, maja darahaja!»
Alimpijskaja pryziorka dasłała ŭ adkaz paštoŭku ź miedźviedzianiom.
Varta adznačyć, što Dzień usich zakachanych spartsmieny praviali ŭ roznych kutkach płaniety. Curkin znachodziŭsia na adkrytym čempijanacie Charvatyi, dzie padčas kantrolnych startaŭ atrymaŭ pieramohu adrazu na troch dystancyjach. U toj ža čas Hierasimienia prachodziła treniravalny zbor u Łos-Andželesie.
Čutki pra ramantyčnyja adnosiny płyŭcoŭ chadzili ŭžo niekalki miesiacaŭ. I tolki na dniach jany znajšli častkovaje paćvierdžańnie. Častkovaje, bo Curkin, da prykładu, ad kamientaroŭ na hetuju temu admoviŭsia. Tak što kančatkovaja kropka ŭ pytańni da hetaha času nie pastaŭlenaja.
30-hadovaja Alaksandra Hierasimienia źjaŭlajecca dvuchrazovym siarebranym pryzioram Alimpijskich hulniaŭ u Łondanie, čempijonkaj śvietu i Jeŭropy na doŭhaj i karotkaj vadzie. 25-hadovy Jaŭhien Curkin u 2014 hodzie staŭ čempijonaŭ Jeŭropy, vyjhraŭšy zapłyŭ na dystancyi 50 mietraŭ baterflajem.
Kamientary