U Čačersku asudzili raŭnivuju žančynu, jakaja padpaliła ŭ łaźni kachanku muža
Incydent adbyŭsia u horadzie Čačersk u žniŭni 2015 hoda. Žycharka rajcentra viarnułasia z pracy i pačuła, što z łaźni danosicca hołas muža i nieznajomaj žančyny. Haspadynia zazirnuła ŭnutr i pabačyła ŭ pryłaźniku paŭaholenuju hościu. Z adzieńnia na joj byŭ tolki ručnik.
U paryvie reŭnaści žančyna naliła ŭ kubak bienzin i, zajšoŭšy ŭ łaźniu, pluchnuła ŭ sapiernicu. Paśla viarnułasia z zapałkami, padpaliła i kinuła na mokruju hościu. Paciarpiełuju dastavili ŭ balnicu. Daktary dyjahnastavali ŭ jaje apioki pieršaj, druhoj i treciaj stupieni 18% cieła. Tempieramientnuju žonku ŭziali pad vartu i raspačali kryminalnuju spravu.
— Sud Čačerskaha rajona razhledzieŭ materyjały spravy ŭ dačynieńni da 41-hadovaj žycharki rajcentra, — paviedamiła pres-sakratar abłasnoha suda Volha Barsukova. — U vyniku jana pryznanaja vinavataj u naŭmysnym pryčynieńni cialesnych paškodžańniaŭ, biaśpiečnych dla žyćcia. U jakaści pakarańnia raŭnivaj padpalščyca pryznačyli paŭtara hady pazbaŭleńnia voli ŭ papraŭčaj kałonii va ŭmovach ahulnaha režymu. Prysud ustupiŭ u zakonnuju siłu.
Kamientary