Rudy pradstaviŭ knihu, jakaja vyklikała burnyja dyskusii, «Finansavaja dyjeta. Reformy dziaržaŭnych finansaŭ Biełarusi», padkreśliŭšy: «Heta kniha pra nas, pra biełaruskuju ekanomiku, pra toje, čamu my zhubili rost i jak jaho adnavić», dadaŭšy, što «šmat u čym jana adlustroŭvaje pazicyi, vykładzienyja ŭ pieradvybarčaj prahramie kiraŭnika dziaržavy».
Pamočnik prezidenta nahadaŭ pra miljardy dalaraŭ, układzienyja ŭ madernizacyju drevaapracoŭki, cemientnaj pramysłovaści, šklanoj haliny. «Pytańnie ŭ tym, nakolki jość vynik», - adznačyŭ jon, nahadaŭšy, što srodki vydajucca znoŭ i znoŭ, a ŭ vyniku «sistema atrymlivajecca niekalki zabłytanaj, źjaŭlajecca pierakryžavanaje subsidavańnie, składana razabracca, efiektyŭna heta ci nie efiektyŭna».
Ciapierašni kryzis, simptomam jakoha stała praciahvajecca padzieńnie VUP, na dumku Rudoha, abumoŭleny zusim nie tolki źniešnimi faktarami, i čakać adnaŭleńnia rostu, da prykładu, u vypadku pačatku rostu koštaŭ na naftu nie atrymajecca.
«Suśvietnaha kryzisu niama», — upeŭnieny pamočnik prezidenta. Jon nahadaŭ, što ŭ Biełarusi VUP u minułym hodzie ŭpaŭ na 3,9%, a suśvietny VUP raście — bolš za 3%, raście Kitaj i Indyja, rastuć krainy, jakija raźvivajucca.
Jon upeŭnieny, što niemahčyma i pradbačyć novyja punkty rostu, ale važna stvarać umovy, kab praryŭnyja prajekty «vystrelvali» mienavita ŭ našaj krainie. U jakaści prykładu Rudy pryvioŭ Uber z kapitalizacyjaj 68 młrd dalaraŭ, tady jak uvieś VUP Biełarusi składaje 55 młrd.
«Pytańnie ŭ tym, čamu jon źjaviŭsia nie ŭ nas. Pavinny być kankurentnyja ŭmovy, spryjalny klimat», — adznačyŭ aŭtar «Dyjety».
Na pytańnie ab tym, ci nie varta Biełarusi znoŭ prymianić «mabilizacyjnuju madel 90-ch», Kirył Rudy padkreśliŭ: «Siońnia nie 90-yja. Śviet źmianiŭsia i staŭ składaniej, prosta mabilizavacca — hetaha mała. Važnaja kampietencyja, važnyja prafiesijanały, adukacyja, ludzi, jakija viedajuć suśvietny dośvied».
Jon upeŭnieny, što ŭ Biełarusi treba mianiać sistemu kiravańnia, patrebna inicyjatyva źnizu, ad pradpryjemstvaŭ. «Naturalna, im treba bolš paŭnamoctvaŭ, što praduhledžvaje i adkaznaść», — dadaŭ pamočnik.
«Kantralory pavinny nie tolki kantralavać, ale chutčej pravodzić aŭdyt. Heta praduhledžvaje, što kali jość normy, jakija pieraškadžajuć biznesu raźvivacca, to chto jak nie kantralor heta bačyć. Niama konkursu, chto bolš pasadzić abo pieradaść spraŭ u sud. Naadvarot, ad kantraloraŭ pavinny być prapanovy, jak udaskanalvać ŭmovy, kab ludzi mienš parušali. Usie chočuć pracavać sumlenna, nichto nie choča pracavać pad pastajannaj pahrozaj dla svajho biznesu», — kanstatavaŭ Rudy.
Važna, padkreśliŭ jon, roŭnaść mahčymaściaŭ dla biznesu, jaho mahčymaść abaraniać svaje pravy.
Zakranuli ŭ prahramie i los pradpryjemstvaŭ-zombi, jakija nie stvarajuć, a źniščajuć dadanuju vartaść u ekanomicy. Kirył Rudy upeŭnieny, što karysnym tut moža być vopyt Kitaja.
«U Kitai hetyja pradpryjemstvy zakryvajuć. Pryčym navat kali pradpryjemstva novaje, ale pamianiaŭsia čas, upali rynki i pierśpiektyŭ niama — až da taho, što heta pradpryjemstva ŭzryvajuć, a na jaho miescy stvarajuć bolš efiektyŭnaje», — raspavioŭ jon.
Jon padkreśliŭ, što pastajannaje zapampoŭvańnie hrošaj u takija pradpryjemstvy nie na karyść ni ekanomicy, ni jaho rabotnikam. «Dziaržpradpryjemstvy — heta biźnies, jaki pavinien davać vynik, prybytak, zarpłatu», - upeŭnieny pamočnik prezidenta.
Kirył Rudy ličyć, što paśla taho jak źmienicca paradak raźmierkavańnia biudžetnych hrošaj, naturalnym čynam adbuducca i strukturnyja reformy.
«Hetaja kniha — praktyčna prahrama dziejańniaŭ. Biary i rabi», — adznačyŭ jon.
