«U paniadziełak 22 lutaha ŭ Minsku adbudziecca čarhovy mitynh u padtrymku IP. Padtrymoŭvaju hety mitynh, — napisaŭ u siabie ŭ fejsbuku eks-kandydat u prezidenty Mikoła Statkievič — ale prapanuju pierad jaho pačatkam pryjści da pryjomnaj Administracyi prezidenta i prynieści z saboj zajavy z patrabavańniem admieny ŭkaza 222, admovy ad abmiežavańniaŭ na atrymańnie i asabisty ŭvoz rečaŭ z-za miažy, źnižeńnia cenaŭ pasłuh ŽKH. Zajavy možna i nie addavać, ale varta pryjści adnačasova, kab samym faktam našaha masavaha prychodu my mahli pakazać našuju niazhodu sa sprobaj ułady za naš košt likvidavać nastupstvy svajho biazhłuzdaha kiravańnia ekanomikaj», — zaklikaje Statkievič.
«Heta vašaje zakonnaje prava prychodzić u tuju pryjomnuju sa svaimi piśmovymi ci vusnymi patrabavańniami. Dla taho ž taja pryjomnaja i isnuje. Nijakich dazvołaŭ dla hetaha nie patrabujecca», — tłumačyć Statkievič.
Pieršaja publičnaja akcyja pratestu pradprymalnikaŭ adbyłasia ŭ minuły paniadziełak 15 lutaha. Niahledziačy na svaju stychijnaść, jana akazałasia niečakana šmatludnaj. U joj uziali ŭdzieł kala 800 čałaviek.
Pratestoŭcy patrabujuć jak admieny ŭkaza 222, tak i źmieny palityčnaha i ekanamičnaha kursu krainy.
Pradprymalnikaŭ padtrymali lidary apazicyi Anatol Labiedźka, Mikałaj Statkievič, Uładzimir Niaklajeŭ, Pavieł Sieviaryniec.
Taćciana Karatkievič i Anatol Šumčanka da akcyi 15 lutaha nie dałučylisia.
«Chto nie baicca, prychodźcie — ja tam budu», — padkreśliŭ Mikałaj Statkievič.
* * *
NN.BY budzie vieści anłajn-repartaž z centra Minska zaŭtra, 22 lutaha.
Anłajn-repartaž z akcyi pratestu 15 lutaha staŭ samym čytanym materyjałam na NN.BY za minuły tydzień: U centry Minska prajšła akcyja pratestu indyvidualnych pradprymalnikaŭ.
