Hukarežysior Biełteleradyjokampanii Uładzimir Žołudź abviaściŭ ab zaviaršeńni haładoŭki, jakuju jon pravodziŭ z 15 lutaha z-za niespraviadlivaj, na jaho dumku, sistemy apłaty pracy ŭ miedyjachołdynhu.
U svaim čarhovym videazvarocie, raźmieščanym u socsietcy «UKantakcie», Žołudź paviedamiŭ, što pačaŭ pastupovy vychad z haładoŭki apoŭdni 20 lutaha.
Pavodle słoŭ hukaapieratara, jon damohsia pastaŭlenaj mety. 17 lutaha jaho pryniaŭ staršynia Biełteleradyjokampanii Hienadź Davydźka: «Ja pakazaŭ staršyni svoj raźlikovy rachunak, dakumientalna paćvierdziŭ kožnaje svajo słova … Staršynia paabiacaŭ razabracca i pryniać miery».
Taksama jon paviedamiŭ, što sustreŭsia z kiraŭnikami padraździaleńniaŭ BT i «detalova abmierkavaŭ miechanizmy źmianieńnia situacyi». «Kali ŭsie abiacanyja źmianieńni buduć zapuščanyja — heta źmienić situacyju. Kali nie — ja sa spakojnaj dušoj zvolniusia», — zajaviŭ jon.
