Papa Francišak zaklikaŭ usich suśvietnych lidaraŭ prademanstravać svaju mužnaść i nie pryvodzić u hetym hodzie ŭ vykanańnie prysudy śmiarotnaha pakarańnia.
Vystupajučy na płoščy Sv. Piatra ŭ Rymie, Papa skazaŭ, što zapaviet «nie zabi» adnosicca da ŭsich - jak da nievinavatych, tak i vinavatych.
«Navat u złačyncaŭ jość prava na žyćcio, dadzienaje im Boham», - skazaŭ Francišak.
Jon taksama zaklikaŭ nie tolki admianić śmiarotnaje pakarańnie, ale i palepšyć umovy ŭtrymańnia źniavolenych u turmach.
Z pačatku svajho znachodžańnia na pasadzie Papa Francišak nie raz prajaŭlaŭ cikavaść da losu źniavolenych, jon rehularna naviedvaje turmy.
Padčas svajho niadaŭniaha vizitu ŭ Mieksiku Papa naviedaŭ źniavolenych turmy ŭ Śjudad-Chuaresie.
0
0
0
0
0
0
