Kniharnia «ŁohvinaŬ» (pr. Niezaležnaści, 37A). Pačatak a 19.00. Uvachod volny.
Voźmuć udzieł: piśmieńniki Natałka Babina, Siarhiej Dubaviec; prazaik, pieršy namieśnik staršyni HA «Sajuz biełaruskich piśmieńnikaŭ» Aleś Paškievič, Staršynia HA «SBP», hałoŭny redaktar časopisa «Dziejasłoŭ» Barys Piatrovič; paet Usievaład Ścieburaka.
Čakajucca cikavostki i pryjemnyja siurpryzy ad Anatola Ivaščanki.
Pra aŭtara. Anatol Ivaščanka — paet, daśledčyk, kandydat fiłałahičnych navuk. Naradziŭsia ŭ 1981 hodzie ŭ Minsku. Vypusknik fiłfaka Biełdziaržuniviersiteta, abaraniŭ dysiertacyju pa paetycy Alesia Razanava ŭ Instytucie litaratury NAN Biełarusi. Pracavaŭ u Sajuzie biełaruskich piśmieńnikaŭ, vykładaŭ biełaruskuju movu ŭ BNTU. Ciapier — adkazny sakratar časopisa «Dziejasłoŭ». Łaŭreat premii «Załataja litara» (2005). Aŭtar dźviuch paetyčnych knih i adnoj manahrafii pa tvorčaści Alesia Razanava.
Pra knihu. »Anatałohija» — kniha apaviadańniaŭ, zapisaŭ i ese, niekatoryja ź jakich apublikavanyja pad sapraŭdnym imieniem upieršyniu. Usie jany napisanyja ŭ 21-ym stahodździ i zakranajuć temy, blizkija tym, čyjo dziacinstva i rańniaje junactva prypadajuć na «lichija 90-ja». Tvory łakaničnyja i ŭ vialikaj stupieni aŭtabijahrafičnyja: prasočvajecca šlach hałoŭnaha hieroja ad 13-hadovaha chłapčuka da 35-hadovaha mužčyny, ad pieršych sprobaŭ spaznańnia śvietu da stałaści, svareńnia siamji i radaści baćkoŭstva. Adrasavanaje šyrokamu kołu čytačoŭ.
Litoŭski viaskovy padvorak na miažy ź Biełaruśsiu vyhladaje, jak aŭtasałon pa prodažy premijalnych aŭto VIDEA1
Kamientary