Z-za studenckich pratestaŭ, jakija supravadžajucca hvałtam i biesparadkami, u PAR zakrytyja pa mienšaj miery try univiersitety.
Situacyja asabliva abvastryłasia, kali studenty Paŭnočna-Zachodniaha univiersiteta padpalili jaho budynki, paśla čaho navučalnuju ŭstanovu pryjšłosia zakryć na niapeŭny čas.
Jak paviedamlajecca, u chodzie pratestaŭ byli źniščanyja tvory mastactva i pomniki epochi aparteidu, jakija znachodzilisia ŭ navučalnych ustanovach.
Akramia taho, adbylisia sutyknieńni pamiž biełymi i čarnaskurymi studentami, u tym liku — masavaja bojka na rehbijnym poli univiersiteta Fry-Stiejt.
Studenty pratestavali, siarod inšaha, suprać płaty za navučańnie, a taksama suprać vykarystańnia ŭ navučalnym pracesie movy afrykaans (viadomaj taksama jak burskaja mova — hiermanskaja mova, jakaja źjaŭlajecca rodnaj dla prykładna šaści miljonaŭ žycharoŭ krainy).
Studenty zajaŭlajuć, što vysokaja płata za navučańnie stvaraje pieraškody dla atrymańnia adukacyi čarnaskurym studentam.
Letaś paśla studenckich pratestaŭ, jakija prajšli pa ŭsioj krainie, urad PAR admoviŭsia ad svajho pieršapačatkovaha namieru padniać košt navučańnia va univiersitetach.
Kamientary