U Minsku vyraście taryf na vadu «bieź ličylnika» i zvyš za normu spažyvańnia
U sakaviku hetaha hoda ŭ stalicy płanujecca pavialičyć taryfy na pasłuhi vodazabieśpiačeńnia i kanalizacyi, jakija zabiaśpiečvajuć poŭnaje pakryćcio ekanamična abhruntavanych zatrat na ich akazańnie.
Pra heta paviedamiła namieśnik dyrektara pa ekanomicy i finansach UP «Minskvodakanał» Inesa Ksiandzova.
«Pakul składana skazać, na kolki pavialičacca taryfy, — adznačyła jana. — Ciapier pravodziacca raźliki, jakija pavinny prajści ŭzhadnieńnie na ŭsich uzroŭniach. Na heta spatrebicca kala dvuch tydniaŭ».
Siońnia ŭ Minsku ahulny taryf na vadu i kanalizacyju, jaki zabiaśpiečvaje poŭnaje pakryćcio ekanamična abhruntavanych zatrat, składaje 9 000 rubloŭ za 1 kubamietr i źjaŭlajecca samym nizkim u paraŭnańni z užyvanymi ŭ inšych abłasnych centrach i rehijonach krainy. U pryvatnaści, u Minskaj vobłaści jon pavialičany da 15 141 rubla z 19 lutaha 2016 hoda.
Płata pa poŭnym taryfie spahaniajecca, u pryvatnaści, za abjomy vodaspažyvańnia zvyš za 140 ł u sutki na adnaho pražyvajučaha (zarehistravanaha pa miescy žycharstva) pry najaŭnaści indyvidualnych pryboraŭ uliku raschodu vady (IPU), a taksama z hramadzian, jakija pražyvajuć u kvaterach (indyvidualnych žyłych damach) bieź IPU, za vyklučeńniem tych, u jakich ekanamična niemetazhodna abo technična niemahčymaja ŭstanoŭka hetych pryboraŭ.
Rašeńniem Minharvykankama ad 13.01.2016 h. № 18 subsidavany ahulny taryf na vadu i kanalizacyju pavialičyŭsia z 2 515,2 rubla da 8 914,7 rubla za 1 kubamietr i, takim čynam, maksimalna nabliziŭsia da ekanamična abhruntavanaha.
U zahinułaj u Ślapiancy dziaŭčynie apaznali Janu Kastrankovu2
Kamientary