Prezident Polščy Andžej Duda trapiŭ u DTZ. U limuzina, u jakim znachodziŭsia prezident, łopnuła zadniaja šyna, kiroŭcu pryjšłosia zbočyć u kiuviet. Polskaja ŭradavaja achova pačała rasśledavańnie abstavinaŭ avaryi
Prezident Polščy Andžej Duda trapiŭ u DTZ na šašy A4, padčas pajezdki z Karpač u Levin-Bžeski. Jak paviedamlaje polskaja radyjostancyja RMF FM, limuzin, u jakim znachodziŭsia Duda ruchaŭsia z dosyć vysokaj chutkaściu, kali ŭ jaho łopnuła zadniaja šyna.
Kiroŭca zdoleŭ paźbiehnuć sutyknieńnia z sustrečnymi aŭtamabilami, limuzin z prezidentam trapiŭ u kiuviet, adznačaje radyjostancyja. A vyniku DTZ nichto nie paciarpieŭ ni Andžej Duda, ni chto-niebudź ź ludziej. Duda pierasieŭ u inšy aŭtamabil z karteža i praciahnuŭ svoj šlach.
Sam Duda ŭ intervju TVN raspavioŭ, što aŭtamabil zaniesła ŭ kiuviet, i pry hetym nichto nie paciarpieŭ. Pavodle słoŭ prezidenta, «nijakaj surjoznaj avaryi nie adbyłosia». Duda taksama padkreśliŭ, što kiroŭca «pavodziŭ siabie vydatna». Jon adznačyŭ, što tearetyčna heta nie pavinna było adbycca, tamu jak šyny pavinny rehularna praviaracca.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary