Rakieta-nośbit Falcon 9 amierykanskaj kampanii SpaceX paśpiachova vyvieła na arbitu spadarožnik suviazi, adnak ažyćciavić kiravany spusk na marskuju płatformu ŭ Atłantyčnym akijanie nižniaj prystupki rakiety čarhovy raz nie ŭdałosia.
«Rakieta ździejśniła žorstkuju pasadku na płatformu. Nie dumaju, što jana budzie pracavać. Adnak ŭ nastupnaha zapusku dobryja šancy», - napisaŭ kiraŭnik SpaceX Iłon Mask u «Tvitary».
Zapusk Falcon 9 adkładaŭsia čatyry razy z-za niaŭdałaha pryziamleńnia papiaredniaj rakiety, prablem z nadvorjem i techničnych niepaładak.
Kampanija praciahnie pracavać nad prablemaj paŭtornaha vykarystańnia rakiety-nośbita.
Kali śpiecyjalisty SpaceX naładziać pasadku pieršaj prystupki na płatformu ŭ mory, heta mocna patańnić zapusk rakiet. Miakkaja pasadka budzie aznačać, što pieršuju prystupku možna budzie adnavić i vykarystoŭvać jašče raz.
U pierśpiektyvie takim ža čynam možna budzie viartać kaśmičnyja karabli za Ziamlu.
U śniežni rakieta madeli Falcon 9 paśpiachova prajšła vyprabavalny zapusk. Jana pryziamliłasia ŭ viertykalnym stanoviščy ŭ 10 kiłamietrach ad miesca zapusku na mysie Kanavierał u Fłarydzie prykładna praz 10 chvilin paśla startu. Adnak nastupnaja sproba ažyćciavić kiravany spusk rakiety nie ŭdałasia.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary