U Tbilisi na akcyi ŭ padtrymku ŭkrainskaj lotčycy Nadziei Saŭčanka 7 sakavika ludzi stali ŭ 7-kiłamietrovy žyvy łancuh. Pra heta ŭ svaim Facebook napisaŭ narodny deputat Ukrainy Mustafa Najem, raźmiaściŭšy taksama spasyłku na videa.
«Uładzimiru Uładzimiraviču taki ŭdałosia ŭvasobić u žyćcio stary saviecki łozunh pra družbu narodaŭ. Praŭda, ukrainskaha i hruzinskaha. Žyvy łancuh daŭžynioj siem kiłamietraŭ — ad byłoha pasolstva Rasijskaj Fiederacyi ŭ Tbilisi da Doma ŭradu Hruzii ŭ padtrymku mižnarodnaj akcyi #FreeSavchenko i — zaadno — suprać padpisańnia kabalnaha pahadnieńnia ŭrada Hruzii z Hazpramam #NoGazprom. Vyjšła vielmi pryhoža i dušeŭna!» — adznačyŭ Najem.
Zapis ź videa nabraŭ niekalki tysiač łajkaŭ.
U kamientarach da videa ludzi vykazvajuć hruzinam słovy padziaki za padtrymku Nadziei Saŭčanka.
