Vośmy dzień viasny adznačajecca amal va ŭsim śviecie jak śviata žančyn i ichnaha zmahańnia za roŭnyja z mužčynami pravy. U hety ž dzień armii roznych krain vinšujuć tych dziaŭčyn i žančyn, jakija nosiać vajskovuju ŭniformu.
Siły abarony Izraila vypuścili karotki rolik «Voś, jak heta robiać dziaŭčyny».
Na trochi iraničnym videa bajcy adnoj z najlepš padrychtavanych armij śvieta, u jakoj abodva poły majuć roŭnyja pravy i mahčymaści, havorać: «Ja kamanduju, jak dziaŭčyna. Ja płavaju pa mory, jak dziaŭčyna. Jezžu na mašynie, jak dziaŭčyna. Ja bjusia, jak dziaŭčyna».
Suchaputnyja vojski ZŠA zrabili rolik u honar majora Łajzy Džaścier, jakaja stała pieršaj maci, jakaja skončyła kurs rejndžeraŭ.
Francuskaja armija apublikavała rolik pra žančynu-aficera Maryju, jakaja słužyć u rezervie.
Brytancy źniali rolik pra toje, jak 22 žančyny zaraz prachodziać kurs arktyčnaha vyžyvańnia Marskoj piachoty ŭ Narviehii.
Ministerstva abarony Ukrainy apublikavała fota z vystavy «Žančyny ŭ Uzbrojenych siłach Ukrainy».
Sajt Ministerstva abarony Biełarusi apublikavaŭ ciopłaje vinšavańnie ministra hienierał-lejtenanta Andreja Raŭkova, ale nažal tolki na rasiejskaj movie.
Taksama niekalki artykułaŭ pra žančyn, jakija słužać u biełaruskaj armii, napisała da daty vyklučna na rasiejskaj aficyjnaje vydańnie MA RB — «Biełaruskaja vajennaja hazieta».