Chutkasnaje pajadańnie blinoŭ padčas narodnych hulańniaŭ u honar Maślenicy ledź nie skončyłasia trahična dla 65-hadovaha bieraściejca, paviedamili na stancyi chutkaj miedycynskaj dapamohi.
Incydent adbyŭsia 6 sakavika ŭ haradskim parku kultury i adpačynku imia 1 Maja. Siarod tradycyjnych maśleničnych zabaŭ byŭ konkurs pa chutkasnym pajadańni blinoŭ. Padčas jaho praviadzieńnia adzin z udzielnikaŭ padaviŭsia blinom. Inšarodnaje cieła vyklikała aśfiksiju. Pobač dziažuryła bryhada chutkaj miedycynskaj dapamohi. Daśviedčany fielčar akazaŭ paciarpiełamu dapamohu i paśpiachova pravioŭ reanimacyjnyja mierapryjemstvy.
«U takich situacyjach hałoŭnuju rolu hraje faktar času. U dadzienym vypadku śpiecyjalisty byli na miescy, tamu čałavieka ŭdałosia vyratavać. Tym nie mienš pieryjad, kali jon nie dychaŭ, byŭ vialiki. Tamu dla dalejšaha nazirańnia mužčynu dastavili ŭ centralnuju haradskuju balnicu», — patłumačyła dziažurnaja stancyi chutkaj miedycynskaj dapamohi. Darečy, vidavočcy zdareńnia ŭ parku dziakavali fielčaru chutkaj i doŭha apładziravali jamu.
Jak paviedamili ŭ Bresckaj CHB, u ciapierašni čas paciarpieły znachodzicca ŭ terapieŭtyčnym adździaleńni. Jaho žyćciu i zdaroŭju ništo nie pahražaje.