Hulniu World of Tanks całkam pierakłali na biełaruskuju movu
Papularny MMO-ekšen World of Tanks aficyjna atrymaŭ biełaruskuju łakalizacyju. U hulni źjaviłasia poŭnaja biełaruskaja ahučka, a znajomyja ŭsiamu śvietu kamandy byli pieraviedzienyja na movu radzimy «Tankaŭ» — Biełarusi.
Ciapier zamiest zvykłaha dla mnohich «U boj», biełarusy pačujuć «Da boju», a ŭ hanarovych zvańniach budzie čytacca miascovy kałaryt: «Vajar», «Vyviednik», «Losik» («ščaśliŭčyk»).
Maksim Čuvałaŭ, prodakt-mieniedžar World of Tanks adznačyŭ, što Biełaruś — heta radzima World of Tanks, i vychad biełaruskaj łakalizacyi — heta značnaja padzieja dla ŭsich.
— My adkazna padyšli da hetaj pracy, ukłali ŭ jaje dušu i spadziajemsia, što biełaruskija hulcy aceniać našy starańni.
Dla taho kab pačać hulać u «Tanki» pa-biełarusku, nieabchodna spampavać abnaŭleńnie 9.14, papiarednie vybraŭšy ŭ moŭnym mieniu łončera biełaruskuju movu.
Na siońniašni dzień «Tanki» pierakładzieny na 39 moŭ. U abnaŭleńni 9.14 naroŭni ź biełaruskaj taksama buduć pradstaŭleny ŭkrainskaja i kazachskaja viersii hulni. Akramia taho, u 9.14 byli dapracavany fizika i huk, dadałosia bolš za 20 tankaŭ u HD-jakaści, a taksama zrobleny niekatoryja palapšeńni interfejsu hulni.
Kamientary