Adzin z najlepšych hulcoŭ pa ho Li Siedol prajhraŭ druhuju ź piaci hulniaŭ kampjutarnaj prahramie AlphaGo. Matč prachodzić u Paŭdniovaj Karei. Pieršaja hulnia adbyłasia 9 sakavika.

Prahrama AlphaGo raspracavana kampanijaj Google Deepmind. U kastryčniku 2015 hoda jana abyhrała jeŭrapiejskaha čempijona pa ho Fań Chueja ŭ piaci partyjach ź piaci. Matč nie pakazvali publicy.
Karejec Li Siedol ličycca adnym z najlepšych hulcoŭ u ho ŭ sučasnaści. Za svaju karjeru jon vyjhraŭ bolš za 800 turniraŭ.
***
Ho — nastolnaja hulnia, prydumanaja bolš za dźvie z pałovaj tysiač hadoŭ tamu. U adroźnieńnie ad šachmat jana bolš zasnavana na intuicyi, tamu doŭhi čas kampjutary ź joju nie spraŭlalisia. Jašče ŭ 2014 hodzie stvaralnik adnoj z samych mocnych prahram dla hulni ŭ ho kazaŭ, što na pieramohu štučnaha intelektu nad prafiesijanałam spatrebicca 10 hadoŭ.

Kamientary