Try rasijskija žurnalisty, abvieščanyja u Litvie piersonami non hrata, ranicaj pakinuli krainu, čaćviortaha žurnalista šukajuć, paviedamili pamiežniki.
U śpis niepažadanych asob z-za pahrozy nacyjanalnaj biaśpiecy byli ŭklučanyja Pavieł Zarubin i jaho zdymačnaja hrupa», — BNS u sieradu ŭviečary paćvierdziŭ pradstaŭnik Departamienta dziaržaŭnaj biaśpieki Vitaŭtas Makaŭskas.
Pavodle jaho słoŭ, u sieradu ŭ śpis byli ŭklučanyja ŭsiaho čatyry čałavieki. «Hetaj nočču, prykładna ŭ hadzinu, try čałavieki vylecieli rejsam u Maskvu. Upraŭleńnie pa mihracyi palicyi Vilni abaviazała ich pakinuć Litvu», — skazaŭ u čaćvier pradstaŭnik Słužby achovy dziaržmiažy Litvy Hiedrus Mišucis.
U sieradu ŭ śpis niepažadanych asob z-za pahrozy nacyjanalnaj biaśpiecy ŭniesieny žurnalist Usierasijskaj dziaržaŭnaj televizijnaj i radyjoviaščalnaj kampanii (VHTRK, telekanała «Rasija») Pavieł Zarubin i jaho zdymačnaja kamanda.
Jak skazaŭ BNS namieśnik dyrektara Departamienta mihracyi Janas Vidzickas, čaćviortaha abvieščanaha piersonaj non hrata ŭdzielnika zdymačnaj hrupy ciapier šukajuć.
«Pa dadzienych na 8 hadzin, jaho jašče nie znajšli. Jon žyvie ŭ inšym horadzie, palicyja vyjechała. Siońnia jon pavinien źjechać», - skazaŭ Ja. Vidzickas.
Litoŭskija słužbovyja asoby i ŚMI śćviardžajuć, što teležurnalisty spravakavali niekalki incydentaŭ u Vilni i ŭ Trakajskim rajonie, sprabujučy padmannym šlacham trapić na mierapryjemstvy Forumu svabodnaj Rasii, u jakim udzielničali pradstaŭniki rasijskaj apazicyi i intelektuały.
Žurnalist rasijskaha dziaržaŭnaha telekanała «Rasija» P.Zarubin padčas prahramy navin pa telefonie ź Vilni skazaŭ, što jon znachodziacca pad nahladam supracoŭnikaŭ mihracyjnych słužbaŭ, jakija dali zrazumieć, što rasijanie pavinny pakinuć Litvu na bližejšym rejsie ŭ Maskvu.
«Aficyjna ukazanaja pryčyna — mahčymaja pahroza dla nacyjanalnaj biaśpieki», — skazaŭ žurnalist.
Kamientary