Łukašenka: Budzie spraviadliva, kali pavyšeńnie piensijnaha ŭzrostu zakranie ŭsich
Na dumku Alaksandra Łukašenki, budzie spraviadliva, kali pavyšeńnie piensijnaha ŭzrostu zakranie ŭsich. Siońnia prezident abmierkavaŭ hetuju temu z uradam.
«Ale treba ŭličvać usio: roźnicu praciahłaści žyćcia mužčyn i žančyn, śpiecyfiku horada i vioski, umovy pracy ŭ niekatorych śfierach i inšyja faktary», - skazaŭ kiraŭnik dziaržavy.
Upieršyniu ab pavyšeńni piensijnaha ŭzrostu ŭ Biełarusi surjozna zahavaryli ŭ kancy minułaha hoda. Tady prezident zajaviŭ, što piensijny ŭzrost pavinien pavyšacca z ulikam mierkavańnia ludziej.
Siońnia Alaksandr Łukašenka adznačyŭ, što znachodzicca pamiž dvuma mierkavańniami: prapanovami ŭrada pa pavyšeńni piensijnaha ŭzrostu, zasnavanymi na ekanomicy, i mierkavańniem naroda — z druhoha boku.
Užo nie pieršy miesiac u Biełarusi idzie dyskusija pra toje, jak mienavita refarmavać piensijnuju sistemu. Adny ekśpierty kažuć, što padniać płanku vychadu na zasłužany adpačynak treba spačatku dla žančyn, inšyja - zaklikajuć pačać ź siłavikoŭ i čynoŭnikaŭ.
Nahadajem, ciapier žančyny vychodziać na piensiju ŭ 55 hadoŭ, mužčyny — u 60. Ciapier na vypłatu piensij Biełaruś raschoduje kala 10% VUP. Ale da 2050 hoda hetaja ličba ŭ našaj krainie moža vyraści ŭ dva razy.
Pa statystycy, u našaj krainie praciahvaje pracavać kožny čaćviorty piensijanier. I pa-raniejšamu siarod pracujučych piensijanieraŭ žančyn u dva razy bolš, čym mužčyn: 438,4 tysiačy suprać 212,8 tysiačy
Kamientary