«U 14:41 12 sakavika ŭ rajonie nasielenaha punkta Kafier-Nbuda ŭ pravincyi Chama z vykarystańniem PZRK źbity samalot-źniščalnik VPS Siryi Mih-21, jaki vykonvaŭ palot u metach kantrolu pavietranaj prastory», — havorycca ŭ apublikavanym na sajcie Minabarony RF infarmacyjnym biuleteni Centra pa zamireńniu varahujučych bakoŭ na terytoryi Siryi.
Pavodle raniejšych paviedamleńniaŭ, adzin z dvuch piłotaŭ samalota katapultavaŭsia i byŭ zabity pry spusku z parašutam, a druhi pasprabavaŭ pasadzić paškodžany samalot na avijabazie i zahinuŭ padčas pasadki.
Tym časam siryjskija paŭstancy ź niekalkich ŭmieranych hrupovak admaŭlajuć paviedamleńni pra toje, što jany stralali z PZRK suprać samalota siryjskich VVS. Pa ich słovach, samalot byŭ źbity artyleryjaj SPA. U zajavie paŭstancaŭ havorycca, što iłžyvyja paviedamleńni źjavilisia z metaj abvinavačvańnia niekatorych krain u pastaŭkach siłam siryjskaj apazicyi zienitnych kompleksaŭ.
Kamientary