Heta adbyłosia 10 sakavika, pryčynaj śmierci papiarednie nazyvajecca infarkt. Pra heta «Našaj Nivie» paviedamiła žonka Valeryja Siadova Iryna Łohinava.
U Varšavie Valeryj Siadoŭ znachodziŭsia ad 2011 hoda, jon vučyŭsia pa prahramie Kalinoŭskaha ŭ daktarantury Univiersiteta Vyšynskaha.
5 sakavika jamu spoŭniłasia 64 hady.
Sam Valeryj Siadoŭ naradziŭsia ŭ Hruzii, maje ruskaje pachodžańnie. Adnak u kancy 1980-ch rašuča padtrymaŭ biełaruski adradženski ruch, ad 1989 hoda byŭ u BNF.
«Voś paviercie, ja etnična ruski, čałaviek, jaki ŭ toj čas nia viedaŭ ani słova pa-biełarusku, byŭ siabram upravy BNF. Ani ad Vincuka Viačorki, ani ad Ivaškieviča, ani ad Zianona Paźniaka ja ani razu nie pačuŭ paproku ŭ svajoj etničnaj prynaležnaści albo ŭ niaviedańni movy. U ich takich dumak navat nie ŭźnikała», — kazaŭ Siadoŭ.
Pracavaŭ u Instytucie fiłasofii Akademii navuk. U 1990-m na Siadova zavodziłasia kryminalnaja sprava za ŭdzieł u antykamunistyčnym mitynhu. Tady jon zalez na pomnik Uładzimiru Leninu pierad domam uradu i źmiaściŭ na jaho ciełahrejku zeka HUŁAHa z kryžom, abmatanym kalučym drotam.
U SIZA jon pravioŭ 70 dzion, bolš za 30 ź jakich haładaŭ. U 2011 hodzie za ŭdzieł u akcyi salidarnaści z palitviazianiami Siadoŭ byŭ aryštavany na 12 sutak.
Ciapier vyrašajecca pytańnie dastaŭki cieła Valeryja Siadova ŭ Biełaruś.
Čas i miesca raźvitańnia buduć nazvanyja paźniej.
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary