Respublikanski subotnik u Biełarusi ŭ 2016 hodzie projdzie 23 krasavika. Heta data vyznačana pastanovaj Savieta Ministraŭ ad 18 sakavika 2016 hoda numar 214, paviedamili ŭ pres-słužbie ŭrada.
Zhodna z pastanovaj, rekamiendujecca respublikanskim orhanam dziaržkiravańnia i inšym dziaržarhanizacyjam, padparadkavanym uradu, miascovym vykanaŭčym i rasparadčym orhanam, inšym arhanizacyjam na dobraachvotnaj asnovie pravieści respublikanski subotnik na rabočych miescach abo dobraŭparadkavać i pryvieści ŭ naležny stan historyka-kulturnyja kaštoŭnaści, pachavańni časoŭ Vialikaj Ajčynnaj vajny, terytoryi nasielenych punktaŭ, padrychtavać dziciačyja azdaraŭlenčyja i spartyŭna-azdaraŭlenčyja łahiery da letniaha siezona.
Hrašovyja srodki, zaroblenyja ŭ dzień praviadzieńnia respublikanskaha subotnika, u tym liku na rabočych miescach, u abjomach, što vyznačajucca dobraachvotna rabotnikami, uklučajučy rabotnikaŭ, dziejnaść jakich nie źviazana z vytvorčaściu pradukcyi (rabot), akazańniem płatnych pasłuh, pieraličvajucca praz rajonnyja i haradskija vykankamy ŭ abłvykankamy i Minski harvykankam.
Abłvykankamy i Minski harvykankam pieraličvajuć 50 pracentaŭ pastupiŭšych hrašovych srodkaŭ Ministerstvu finansaŭ u paradku, ustanoŭlenym hetym ministerstvam.
Astatnija 50 pracentaŭ hrašovych srodkaŭ zastajucca ŭ rasparadžeńni abłvykankamaŭ i Minskaha harvykankama i nakiroŭvajucca na rekanstrukcyju, restaŭracyju, adnaŭleńnie historyka-kulturnych kaštoŭnaściej, miaścin bajavoj i voinskaj słavy, pachavańniaŭ časoŭ Vialikaj Ajčynnaj vajny, raźvićcio i ŭmacavańnie materyjalna-techničnaj bazy reabilitacyjna-azdaraŭlenčych centraŭ dla dziaciej, jakija paciarpieli ad nastupstvaŭ katastrofy na Čarnobylskaj AES, a taksama na padrychtoŭku dziciačych azdaraŭlenčych i spartyŭna-azdaraŭlenčych łahieraŭ da letniaha siezona. Hrašovyja srodki, što zastajucca ŭ rasparadžeńni Bresckaha abłvykankama, nakiroŭvajucca taksama na budaŭnictva maładziožnaha patryjatyčnaha centra ŭ Bresckaj vobłaści.
Hrašovyja srodki, pieraličanyja Ministerstvu finansaŭ, buduć nakiravany Homielskamu abłvykankamu dla prajektavańnia i budaŭnictva Homielskaj abłasnoj dziciačaj kliničnaj balnicy.
Utrymańnie najmalnikami hrašovych srodkaŭ z zarabotnaj płaty rabotnikaŭ, dla jakich 23 krasavika źjaŭlajecca rabočym dniom, budzie pravodzicca ź ich zhody ŭ pamierach, vyznačanych dobraachvotna samimi kalektyvami rabotnikaŭ.