Prałukašenkaŭskija kamunisty damovilisia asvojvać tvitar i fejsbuk
Prałukašenkaŭskaja Kamunistyčnaja partyja Biełarusi maje namier aktyŭna asvojvać tvitar i sacyjalnyja sietki. Takoje rašeńnie źmiaščajecca ŭ pastanovie čarhovaha źjezda KPB.
«Partyjnym kamitetam ŭsich partyjnych arhanizacyj respubliki, abapirajučysia na isnujučy vopyt pracy z moładździu, praciahvać asvojvać i ŭkaraniać u paŭsiadzionnuju praktyku novyja formy i mietady pryciahnieńnia maładych ludziej u šerahi KPB, vykarystoŭvajučy tvorčy patencyjał maładych kamunistaŭ u hramadska-palityčnaj dziejnaści i ich mahčymaści pracy ŭ sacyjalnych sietkach ukantakcie, fejsbuk, tvitar», — skazana ŭ pastanovie.
Taksama źjezd pastanaviŭ, što ŭ 2016 hodzie ŭsie abłasnyja i rajonnyja partyjnyja arhanizacyi pavinny raspracavać svaje internet-sajty.
Prałukašenkaŭskija kamunisty majuć namier «svoječasova i adekvatna reahavać na antybiełaruskija vypady» z boku roznych ruchaŭ unutry krainy i z boku źniešnich sił. «Na prykładach padziej «arabskaj viasny» i va Ukrainie dokazna raskryvać usiu falš prahramnych ustanovak ekanamičnaha libieralizmu», — adznačana ŭ pastanovie.
Kamientary