«My zaklikajem da nieadkładnaha i biezahavoračnaha vyzvaleńnia spadara Kima, a taksama ŭsich palityčnych źniavolenych u Biełarusi» — z takoj zajavaj 22 krasavika ŭ Vašynhtonie vystupiŭ aficyjny pradstaŭnik Dziarždepartamentu ZŠA Tom Kiejsi.
«My zaklikajem da nieadkładnaha i biezahavoračnaha vyzvaleńnia spadara Kima, a taksama ŭsich palityčnych źniavolenych u Biełarusi» — z takoj zajavaj 22 krasavika ŭ Vašynhtonie vystupiŭ aficyjny pradstaŭnik Dziarždepartamentu ZŠA Tom Kiejsi.
Nahadajem, što Andrej Kim pryhavorany da paŭtara hoda pazbaŭleńnia voli z adbyvańniem pakarańnia ŭ kalonii ahulnaha režymu. Jon pryznany vinavatym va ŭčynieńni złačynstva, praduhledžanaha artykułam 364 Kryminalnaha kodeksu (nasille abo pahroza nasilla ŭ dačynieńni da supracoŭnika milicyi). Sprava pa hetym artykule była raspačata ŭ suviazi z akcyjaj pratestu pradprymalnikaŭ, jakaja prajšła 21 studzienia. Jon taksama pryznany vinavatym u arhanizacyi i padrychtoŭcy dziejańniaŭ, jakija hruba parušajuć hramadzki paradak (č. 1 art. 342 Kryminalnaha kodeksa) pa padziejach 10 studzienia.
Pavodle słoŭ pradstaŭnika amerykanskaha źniešniepalityčnaha viedamstva, «biełaruskija ŭłady praciahvajuć vykarystoŭvać žorstkuju taktyku jak dla razhonu demanstracyj apazicyi, tak i dla surovaha pryhavoru, jaki, jak my bačym, vyniesieny ŭ dačynieńni da Andreja Kima i šerahu inšych aktyvistaŭ».
«Heta jašče adzin prykład taho, jak biełaruski ŭrad pracuje nad tym, kab prymusić zamaŭčać palityčnuju apazicyju i hramadzianskuju supolnaść», — zajaviŭ Kiejsi.
Jak paviedamlałasia raniej, časovy pavierany ŭ spravach ZŠA ŭ Biełarusi Džonatan Mur pryhavor, vyniesieny 22 krasavika maładziožnamu aktyvistu, nazvaŭ «palityčnym rašeńniem».
«Vidavočnaja vysnova — Andrej Kim źjaŭlajecca palityčnym źniavolenym», — zajaviŭ amierykanski dypłamat.
Jon padkreśliŭ, što «ZŠA zaklikáli i buduć zaklikać biełaruski režym vyzvalić usich palityčnych źniavolenych».«Na siońnia heta Alaksandr Kazulin i Andrej Kim», — skazaŭ Džonatan Mur.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym5
Kamientary