Rašeńnie pa rehistracyi ruchu «Za Svabodu» adkładajecca. Admysłoŭcy miniustu ŭhledzieli šurpataści ŭ ilustracyjnym materyjale, zazirnuli na sajt palityka j znajšli tam nieadpaviednaści, a taksama nahadali Milinkieviču pra siadzielstva na Akreścina. Znojdzienyja čynoŭnikami zahany naležyć vypravić ciaham miesiacu.
Rašeńnie pa rehistracyi PAHA «Ruch «Za Svabodu» rašeńnie jašče nie pryniata. Hałoŭnyja pretenzii Miniustu zvodziacca da taho, što mety i zadačy, zajaŭlenyja ŭ statutnych dakumentach, nie adpaviadajuć platformie Ruchu «Za Svabodu», jakaja źmieščana na asabistym sajcie Alaksandra Milinkieviča. Da taho ž, havorycca pra nieadpaviednaści ŭ hrafičnaj schiemie struktury hramadzkaha abjadnańnia, jakaja padajecca razam z dakumientami.
Pa słovach, Alaksandra Milinkieviča namieśnik ministra adznačyŭ, što lider stvarajemaha Ruchu maje administracyjnyja parušeńni, što moža być pieraškodaj dla rehistracyi.
«A kali viazień vyjdzie z turmy i zachoča zarehistravać hramadskaje abjadnańnie ŭ abaronu viaźniaŭ, Vy jamu taksama admovicie?»— paryravaŭ Milinkievič.
— My budziem i nadalej praciahvać sproby rehistracyi Ruchu. Niachaj sytuacyija pry hetym budzie vyhladać absurdna. My chočam dziejničać lehalna, abaraniać intaresy ludziej. Nam nam niama čaho chavać ad hramadztva, — skazaŭ Milinkievič.
Adkaz Ministerstva justycyi pavinna było dać nie paźniej za 10 krasavika, pakolki na pryniaćcie rašeńnia pa zakonie dajecca miesiac, adnak pra rašeńnie ab adterminoŭcy było paviedamlena tolki ciapier, sa spaźnieńniem amal na dva tydni. A dakumenty pa adterminoŭcy, jakija atrymaŭ na ruki Alaksandr Milinkievič, datavanyja 15 krasavika.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym5
Kamientary