Ministerstva pa nadzvyčajnych sytuacyjach i kiraŭnictva AES kažuć, što heta łuchta.
«Siońnia ŭ 12.20 my źviazvalisia z kiraŭnictvam Ihnalinskaj AES (Litva), i jano zapeŭniła, što nijakich pazaštatnych situacyj, radyjacyjnych vykidaŭ nie było», — paviedamiŭ BiełaPAN pres‑sakratar MNS Vital Navicki.
Pavodle jaho słoŭ, «u MNS patelefanavali niekalki baćkoŭ školnikaŭ, jakich siońnia ranicaj adpuścili z zaniatkaŭ z pryčyny nibyta radyjacyjnaha vykidu na Ihnalinskaj AES». «Kožny krasavik uźnikajuć niejkija čutki ab pavyšeńni radyjacyjnaha fonu ŭ Biełarusi, ale kali b štości i adbyłosia, utaić heta siońnia niemahčyma», — zaznačyŭ pres‑sakratar.
Jon paviedamiŭ, što MNS znachodzicca ŭ pastajannym kantakcie z Respublikanskim centram radyjacyjnaha kantrolu i manitorynhu navakolnaha asiarodździa. «Pavodle ich infarmacyi, nijakich źmien u radyjacyjnym fonie nie nazirajecca», — paviedamiŭ V.Navicki.
Daviedka BiełaPAN. Ihnalinskaja AES pavinna być zakryta da 2009 hoda. Na joj ustanoŭleny vodahrafitavyja jadziernyja reaktary RMBK‑1500 kanalnaha typu na ciepłavych niejtronach. Ciepłavaja mahutnaść adnaho błoka — 4.800 MVt, enierhietyčnaja — 1.500 MVt. Pieršy enierhabłok funkcyjavaŭ u 1984—2004 hadach i byŭ vyviedzieny z ekspłuatacyi paśla dałučeńnia Litvy da ES. Druhi enierhabłok byŭ zapuščany ŭ 1987 hodzie, ciapier jaho mahutnaść — 1,36 HVt. Da 2009 hoda reaktar pavinien być zahłušany.
-
Premjer Litvy: Sankcyi suprać Rasii i Biełarusi pavinny być chacia b rehijanalnymi, nacyjanalnyja biez tołku
-
Hłamurny kosmas. Džef Biezas adpraŭlaje siońnia ŭ kosmas svaju niaviestu i jašče piać žančyn
-
Kyrhyzstan uručyŭ notu pratestu rasijskamu pasłu paśla abłavy i žorstkaha źbićcia svaich hramadzian u maskoŭskaj łaźni
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym5
Kamientary