Jak paviedamili BiełaPAN u amerykanskaj dypmisii, pra heta było zajaŭlena časovamu pavieranamu z spravach ZŠA ŭ Biełarusi Džonatanu Muru 23 krasavika ŭ biełaruskim MZS.
«Spadar Mur vykazaŭ pratest adnosna hetaha novaha patrabavańnia i adznačyŭ, što hety biesprecedentny i nieapraŭdany krok biełaruskich uładaŭ pryviadzie da surjoznych nastupstvaŭ», — paviedamili ŭ pasolstvie.
Mur taksama zapeŭniŭ pradstaŭnikoŭ MZS Biełarusi, što prainfarmuje Dziarždepartament ZŠA i pradstavić adkaz biełaruskim uładam u patrabavany čas.
Nahadajem, 7 sakavika paśla apublikavańnia tłumačeńniaŭ da sankcyj ZŠA ŭ dačynieńni da «Biełnaftachimu» z Vašynhtona byŭ adklikany pasoł Biełarusi Michaił Chvastoŭ. 12 sakavika Minsk pa patrabavańni biełaruskaha boku pakinuła pasoł ZŠA Karen Ściuart. Zatym amerykanskamu boku było rekamendavana skaracić kolkaść supracoŭnikaŭ dypmisii. 27 sakavika Biełaruś pakinuli 17 amerykanskich dyplamataŭ.
31 sakavika Biełaruś pryniała rašeńnie ab dadatkovym skaračeńni persanału svajho pasolstva ŭ Vašynhtonie i prapanavała ZŠA zrabić toje ž samaje. Jak patłumačyŭ 2 krasavika namieśnik ministra zamiežnych spraŭ Viktar Hajsionak, Biełaruś choča davieści kolkaść svaich dypłamataŭ u ZŠA i amerykanskich — u Biełarusi «da parytetu pavodle formuły «adzin plus šeść» (adzin pasoł i šeść supracoŭnikaŭ).