Biełaruski muzyka Uładzimir Harkuša zahinuŭ u DTZ u Rasii
Achviarami pjanaha žychara Śviardłoŭska, jaki mčaŭ pa trasie Pierm—Jekaciarynburh, stali viečaram 26 sakavika muzyki suśvietna viadomaha arkiestra MusicAeterna pad kiraŭnictvam Teadora Kurencisa ź Piermskaha teatra opiery i baleta.
Kiroŭca Volkswagen Jetta, 32-hadovy vałtarnist-biełarus Uładzimir Harkuša zahinuŭ.
U 22.34 na 307 kiłamietry aŭtadarohi ŭ inšamarku muzykaŭ łob u łob urezaŭsia Peugeot 308, pišuć miascovyja ŚMI.
Jaho ŭładalnik (jon raniej byŭ pazbaŭleny pravoŭ) ruchaŭsia sa značnym pieravyšeńniem dazvolenaj chutkaści — da 150 km u hadzinu i vyjechaŭ na sustrečnuju pałasu. Pry hetym sam vinavaty ŭ avaryi paśla sutyknieńnia vyžyŭ.
Uładzimir Harkuša da pierajezdu ŭ Pierm hraŭ na duchavych u Prezidenckim arkiestry Respubliki Biełaruś, a da hetaha skončyŭ Biełaruskuju dziaržaŭnuju akademiju muzyki. MusicAeterna — adzin z najlepšych arkiestraŭ Rasii.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary