Vašynhton nie razhladaje mahčymaść abmienu ŭkrainskaj vajskoŭki Nadziei Saŭčanka, prysudžanaj u Rasii da 22 hadoŭ kałonii, na rasijskich hramadzian Viktara Buta i Kanstancina Jarašenku, jakija adbyvajuć pakarańnie ŭ ZŠA. Pra heta paviedamiŭ pres-sakratar amerykanskaj pasolstva ŭ Maskvie Uiljam Styviens.
Dypłamat nahadaŭ, što ZŠA «addanyja svaim abaviazacielstvam u ramkach mižnarodnaha i nacyjanalnaha prava pa ŭtrymańni źniavolenych». Vašynhton taksama zabiaśpiečvaje nieabchodny konsulski dostup da zamiežnych źniavolenych, jakija adbyvajuć pakarańnie na terytoryi ZŠA, padkreśliŭ Styviens.
Pra mahčymy abmien Saŭčanka na Buta i Jarašenku raniej u aŭtorak paviedamlaŭ «Interfaks». Pavodle infarmacyi adnaho z surazmoŭcaŭ ahienctva, u ciapierašni čas iduć kansultacyi ab pierśpiektyvie takoj pracedury.
«Rasijski bok prapanavaŭ śpis svaich suhramadzian, u abmien na vydaču jakich hatovy vyzvalić byłuju ŭkrainskuju vajskoŭku», — skazała krynica, adznačyŭšy, što ŭ pieraliku jość i rasijanie, «dziejnaść jakich zvyčajna nie afišujecca».
Kamientary