Alaksandr Łukašenka raźličvaje, što pazityŭ pamiž Biełaruśsiu i ZŠA stanie novym etapam adnosin. Ab hetym kiraŭnik biełaruskaj dziaržavy zajaviŭ na sustrečy z namieśnikam pamočnika ministra abarony ZŠA Majkłam Karpienteram.
Pavodle słoŭ kiraŭnika krainy, u Biełarusi z zachodnim śvietam, ZŠA namieciŭsia niejki pazityŭ. «Ja b vielmi chacieŭ, kab heta byŭ novy etap u našych adnosinach», — skazaŭ Alaksandr Łukašenka.
Jon źviarnuŭ uvahu, što palityzavanaść adnosin Biełarusi z zachodnimi krainami zanadta vysokaja. «Nam by nie pieraškadžała źviarnuć svaje pohlady pierš za ŭsio na ekanomiku, na handlova-ekanamičnyja adnosiny sa Złučanymi Štatami Amieryki, ź Jeŭrapiejskim sajuzam. I heta było b dobrym padmurkam pabudovy dobrych adnosin pa ŭsich napramkach», — pierakanany kiraŭnik biełaruskaj dziaržavy.
Biełaruś hatova abmiarkoŭvać z zachodnimi partniorami lubyja prablemy, supracoŭničać z ZŠA. «Nie tolki tamu, što heta hłabalnaja impieryja, viadučaja dziaržava śvietu, ź jakoj supracoŭničajuć usie», — skazaŭ Alaksandr Łukašenka.
Jon padkreśliŭ, što ŭ biełaruskim hramadstvie skłałasia dobraje pavažlivaje staŭleńnie da Amieryki. Hetamu nie pieraškodzili i sankcyi, što dziejničali ŭ minułym suprać Biełarusi.
«Naš narod dobry, adukavany i raźbirajecca ŭ tych pracesach, jakija adbyvajucca ŭ śviecie», — adznačyŭ Alaksandr Łukašenka i prapanavaŭ naładžvać adnosiny ŭ duchu pažadańniaŭ biełaruskaha i amierykanskaha narodaŭ.
Kamientary