Małakavoz z pryčepam źnios dźvie aśviatlalnyja mačty na źniešnim kalcy MKAD, paviedamiła staršy inśpiektar pa ahitacyi i prapahandzie ADAI Leninskaha RUUS Minska Taćciana Krasij.
«Incydent adbyŭsia 5 krasavika kala 11.50. Małakavoz z pryčepam jechaŭ pamiž 17-m i 18-m km źniešniaha kalca MKAD u rajonie łahistyčnaha centra «Kryštal». Padčas ruchu adbyłosia miechaničnaje paškodžańnie piaredniaha pravaha koła pryčepa, i hruzavy aŭtamabil zaniesła. Pryčep źnios adnu aśviatlalnuju mačtu, a sam małakavoz sutyknuŭsia ź inšaj. Paśla hetaha jon začapiŭ vialikahruznuju mašynu, jakaja ruchałasia ŭ spadarožnym napramku», — skazała Taćciana Krasij.
U vyniku DTZ u pryčepa małakavoza vyrvała pravaje zadniaje koła, a druhi hruzavik atrymaŭ minimalnyja techničnyja paškodžańni. Kiroŭcy transpartnych srodkaŭ, inšyja ludzi i aŭtamabili nie paciarpieli. Małako nie vyciekła, jomistaść dla jaho transparciroŭki nie paškodžanaja.
Supracoŭniki DAI pravodziać raźbiralnictva i vyśviatlajuć pryčyny taho, što adbyłosia. Kiroŭca małakavoza ŭ momant DTZ byŭ ćviarozy, nie adznačałasia prablem z samaadčuvańniem.
U ciapierašni čas ruch na MKAD adnoŭleny, zatoravaj situacyi niama. Rabotniki «Minharśviatła» zanialisia adnaŭleńniem aśviatlalnych mačtaŭ.
