Ministerstva ŭnutranych spraŭ fiksuje «stanoŭčuju dynamiku» sprobaŭ pravozu ŭ Biełaruś zbroi z Ukrainy. Pra heta zajaviŭ 5 krasavika žurnalistam ministr Ihar Šunievič.
«Dynamika stanoŭčaja, u tym sensie, što fiksujucca nieadzinkavyja fakty pastupleńnia zbroi pa roznych kanałach. Pakul idzie tendencyja na pavieličeńnie kolkaści kanfiskavanaj zbroi», — skazaŭ jon.
Šunievič paviedamiŭ, što MUS sumiesna ź Dziaržaŭnym pahraničnym kamitetam raspracavała ceły kompleks mier pa vyjaŭleńni zbroi jak na miažy, tak i pa ŭsioj krainie. Najbližejšym časam, pavodle jaho słoŭ, zapłanavanaje praviadzieńnie čarhovaj śpiecyjalnaj apieracyi «Arsienał» «z bolš surjoznym apieratyŭnym składnikam».
«Dumaju, na hetuju pahrozu my adreahujem adekvatna», — padkreśliŭ ministr, adznačyŭšy, što ŭ asnoŭnym z Ukrainy viazuć strałkovuju zbroju.
Kažučy pra kolkaść znojdzienaj zbroi z Ukrainy, Šunievič paviedamiŭ, što takich vypadkaŭ z pačatku hoda było paŭtara-dva dziasiatki.
