Niabłaha idzie sprava z pravasudździem i ŭ Biełarusi. Nu, Sajuznaja ž dziaržava! Tutejšaja starejšaja siastryčka našaj Femidy pačała praktykavać raniej – i palitviaźni tam ź dzievianostych hadoŭ, i vorahi prezydenta pačali hinuć raniej, čym u nas… A na minułym tydni – ničoha strašnaha: zvyčajny vychavaŭčy momant.
Viktar Šenderovič u svajoj štotydniovaj pieradačy “Płavlenyj syrok” kamentuje “sudy pa-biełarusku”.
“Šenderovič: Niabłaha idzie sprava z pravasudździem i ŭ Biełarusi. Nu, Sajuznaja ž dziaržava! Tutejšaja starejšaja siastryčka našaj Femidy pačała praktykavać raniej – i palitviaźni tam ź dzievianostych hadoŭ, i vorahi prezydenta pačali hinuć raniej, čym u nas… A na minułym tydni – ničoha strašnaha: zvyčajny vychavaŭčy momant.
Niekalki miesiacaŭ tamu tutejšyja mianty razahnali apazycyjny mitynh i zatrymali parušalnikaŭ paradku. Śledztva było praviedzienaje bliskuča i imkliva. Vyśvietliłasia, naprykład, što adzin z demanstrantaŭ, śviežaadličany student Andrej Kim, jaki jość laŭšunom, ni za što ni pra što zajechaŭ pa levamu ž vuchu padyjšoŭšamu kapitanu DAI. Vy nie sprabavali, kali vy laŭšun, udaryć kahości kułakom u levaje vucha? A vy pasprabujcie. Kali zmožacie, prosty vam šlach u biełaruskija sudździ!
Na hetym anamalii nie spynilisia: pakryŭdziŭšy supracoŭnika DAI vyčvarenskim čynam, student Kim čamuści nie pabieh chavacca, jak zrabiŭ by na jahonym miescy luby narmalny ekstremist, a praciahvaŭ roŭna iści ŭ šerahach demanstrantaŭ – i byŭ zatrymany tolki praz paŭhadziny i ŭžo nie na demanstracyi.
Pra ŭsio heta sudu ščyra raskazaŭ supracoŭnik u cyvilnym, jaki išoŭ, pa jaho słovach, za paŭtary mietry zzadu Kima, ale vidać spužaŭsia zatrymlivać ekstremista, jaki ŭmieje bić kułakom levaje ruki ŭ levaje vucha. Hety “taptun” i akazaŭsia adzinym dovadam abvinavačvańnia, tamu što na videa dobra bačna nie jak bje Kim, a jak bjuć Kima. Defiekt plonki, mabyć… Takim čynam, Andrej atrymaŭ paŭtary hady kalonii. I heta jamu jašče mała dali!..
Kamientary